desc

Welkómswaord

Leuk det geej ef kómp koekeloére op ózze site. Geej kint heej vanalles vinde euver ós tenièlvereiniging Silhouet, van de stökke die we gespeuld hebbe wiès informasie die geej nuuëdig heb um zelf lid te waere en ein verslaag van al ós aktiviteite in ós kulturele stad Venlo, wiès alle benuuëdigde informasie euver ós nièje produksie.

Vuuël plezeer en haopelik wiès waeres beej ein van ós veurstellinge!

Jubileumstök

Silhouet prissenteert zién 40-jäörig Jubileumstök

HERRIE UM DE HAVERKLAP.

Geschreeve daor Aris Bremer ònder regie van Mariet Tans

Speuldata 2018

  • Vriédaag 30 miért
  • Zaoterdaag 31 miért
  • Dinsdaag 3 april
  • Vriédaag 6 april
  • Zaoterdaag 7 april
  • Dinsdaag 10 april
  • Vriédaag 13 april
  • Zaoterdaag 14 april

De on-line kaartverkaup start op vriédaag 2 maart.

KAERTJE KAUPE: KLIK HEEJ

(donateurs en leeje kinne met eur code al bestelle).

Herrie um de Haverklap

‘t Is 1978. Örges in ‘t Ven steit op ein pleintje ein klein huuske met eine riante haof. Dao woeënt de krasse bejaarde oma Haver. Teminste…dao woeënde zeej tot det eur leefhebbende bure eur met behölp van de politiék én de woute hebbe laote opsloéte in Venrooj…”veur eur eige beswil”. Want oma Haver had altie’d de deur aope staon veur minse met probleeme.

‘t Huuske “de Haverklap” steit laeg en det kump de bure hiél good oét. De whiskydrinkende buurman haet zién oug al laote valle op d’n haof um dao ein zwumbad te laote plaatse. En de buurvrouw, die allein maar oug haet veur eur hundje Tipsy, wil dao gaer ein groeëte serre laote bouwe. De politiék haet gans andere planne met deze kavel en perbeert daoveur alle meugelikke zieltjes te winne.

Maar dan òntsnap oma oét Venrooj. En zeej is neet de insigste die d’r tösse oét kniép, op de vluch veur de gooje zörg van d’n dokter. De rös verdwiént en de chaos verschiént op ‘t pleintje beej de Haverklap. D’r wuuërt geschaote, ein liék verdwiént, de ME rök op en geej waert meigetròkke in politiék gekònkel. Kort gezàg is d’r herrie… Herrie um de Haverklap.