desc

Welkómswaord

Veurstellinge Silhouet verplaats naor oktober


Beste bezeukers van Silhouet

In 2020 meuste we vlak veur de première de stekker oét de produksie trekke en in 2021 kòste we vanwaege de geldende maotregele ouk gèn veurstelling op de planke bringe. Òndanks de huidige versoepelinge geit ’t òs ouk dit jaor neet lökke um met Paose de veurstellinge te speule; de versoepelinge kwame veur òs helaas te laat. De umstandighede en dao aan gekoppelde maotraegele gove òs gèn gelaegenheid ein gooje veurbereiding te treffe. Rippetere bleek döks ònmeugelik en de kwaliteit die geej van òs gewind ziét kinne weej zoeë neet waarborge.

Aevel zién weej netuurlik neet beej de pakke neer gaon zitte. In good euverleg met de speulers, meidewerkers en gemeinschapshoés de Bantuin hebbe we beslaote de veurstelling naor oktober te verplaatse. Zoeë kinne we ’t aantal rippetisies wat we nuuëdig hebbe um ein gooje veurstelling op de planke te bringe waarborge.

Vol gooje mood starte weej opniéj met rippetere veur ’t stök Boérebònt & Roeëje Lämpkes waomei weej òg gegarandeerd eine köstelikke aovend zulle bezörge.