Tante Albertina is op de jeugdige laeftièd van 87 jaor euverleeje en haet in de loup der jaore ein behuurlik kapitaaltje beej mekaar gepot. Det éíne van de femiliè al det geld zal gaon erve meuge duùtelik zien. Maar wae zal d'r met de poet vandoor gaon?
Kluchte waoin ein erfenis verdeilt mót waere zien d'r neteurlik legio. Maar as Dick van Maasland zoëiets schrièf, wuurt 't gans anders. In dit stök mótte de femilièleeje aan bepaolde veurwaerd voldoon um ein deil van "de poet" te kriège. Zoë mótte de hièr en vrouw des hoèzes passe op Felix en Harie, twieë faatse tantes zangles gaon neme, unne fuifstudent serieuze verkièring kriège en de moderne Teddy mót lière kaoke en breije. Dees ónmeugelikke opdrachte, bedach door wijle tante Albertina, levere unne kolderieke strièd op waoin 't "elk veur zich" is, dus: "van dien femiliè mósse 't hebbe"
Enne…, wat veur rol speule de juffrouw van de dierebescherming en de detective???
Rolverdeling:
Eric Sweijnen | John van Dijk
Danielle Steeghs | Wendy van Dijk
Marian Naus | Bertha Schnabbel
Jos Aquina | Joric-Pieter van Dijk
Paul ploum | Koen Kloezo
Juul Stokbroekx | Nel van Dijk
Miranda Steegh | Mies van Dijk
Suzanne Appeldoorn | Reina van Reij van Pol
Regie | Gé van Beek
Veurstellinge: 18 19, 22, 25, 26, 30 april en 2 en 3 mei