Harries Nachmerrie

Harries nachmerrie

Baron en barones van Sevenum zitte in ein lastig parket. Zeej zién neet miér in staot eur deur kestiél te ònderhalde en mòtte daorum ein deil van eur adelikke woeëning aope stelle veur róndleidinge, tot groeëte taegezin van de barones.

Zeej zuut ‘t leefs det eur dochter trouwt met de zoon van eur beste vriendin, dae good in de slappe was zit, òndanks ‘t feit det eur dochter eigelik al emus anders op ‘t oug haet.

Plots bliék det hoésbedeende Harrie eine groeëte kunstenaer is. De barones ruuk eur kans.

Binnekort geit eure naam euver de tòng en zal eur aanzeen allein maar stijge. Als eur dochter dan ouk nog met eur “keus” geit trouwe kin eur gelök neet miér kepot.

Helaas is d’r ein groeët misverstand. ‘t Schilderstök is neet door Harrie, maar door zien nichje gemak. Vervolges haet hoéshäldster Lottie ‘t ingesteurd veur ein wedstrijd van ‘t ministerie.

Um alles nog ingewikkelder te make kump ein Belgische freule zich ouk nog door Harrie laote portrettere…