Laot Truus maar schuuve

Laot Truus maar schuuve

Thei Billekens van aevenementeberoo “Spektakel” wil ein groeët popkònsert organisere met Mick Jagger as klapper. Maar ja, hae is bekans platzak en wao haolste dan de benuuëdigde ƒ 30.000,- vanaaf? Zoel zién schoeënmooder um aan de benuuëdigde piéke wille helpe? Zien vrouw zuut ‘t in idder geval neet zitte.

De redding bliék naobeej as eine schatriéke ome oét Amerika op bezeuk kump. Hae kump kinnesmake met Sofie, de vrouw van Thei, die hae nog noeëts gezeen haet.

Sofie is echter juus ein paar daag nao eur kranke mooder. Veur hoéshaldster Truus is ‘t allemaol gèn probleem. Zeej speult waal effe Sofie, ‘t is immers toch maar veur hoeëg-oèt eine daag.

De echte probleme òntstaon aevel as d’r nog miér ònverwachte gaste kòmme. Thei wet ‘t allemaol redelik ònder kòntrole te halde, wiés det Sofie thoéskump…