(1984) Gesprek met London

Twieë ónneuzele alde vruikes hebbe unnen vrintelikke hièr, unne baron, as kosgenger. 't Laeve geit zienen gangk, wiesdet inens twieë alde vrinde van 'de baron' kómme opdage. Zeej blièke, jaore geleeje, met z'n dreeje ein bank berouf te hebbe waobeej die twieë alde vrinde in 't kotje terech zien gekómme.

Noow de straf is oètgezaete kómme zeej eur deil van de poet opeise en inkele raekeninge vereffene. De twieé dames zien door euren kosgenger ouk op 't slechte paad gerak. Zoë óntsteit d'r ein spannend verhaol met gif, maord en nog mier sensatie. Zelfs unne wout, ein krantemaedje en ein dame van d'n euverkant rake betrokke in ein spannend verhaol.