Chaos & Göldes

Chaos & Göldes

Gèn bòtterham met kieës & tomaat, maar 2.755.000 gölde zitte d’r in ’t kufferke van Harry Vermeulen. Wie dan? Umdet hae per òngelök ’t verkiérde kufferke haet gepak wie hae oét d’n trein stapte. En det op ziéne verjäördaag.

Zo’n kans kriég’se aevel maar eine kiér in dién laeve dus wil Harry met zién vrouw Carla metein op reis um noéjts miér truuk te kòmme. ’t Verjäördaags bezeuk mòt maar gaon oét aete, op zién kòste.

Maar als d’r inens eine inspecteur op bezeuk kump ònsteit d’r peniék. Waat kump dae doon? Haet ’t met ’t kufferke met göldes te make?

De chaos wuuërt compleet als ’t verjäördaags bezeuk aankump, ein eigewiéze taxichauffeuse zich d’r mei geit bemeuje en eine 2e inspecteur met slech niéjs kump.

En wae is toch dae meneer Boffertje dae de ganse tiéd belt…?

Speuldata:

18-19-22-25-26-29 april & 2-3 mei 2025

Oorsprònkelikke titel: Tel uit je winst! (door Ray Cooney, vertaling Jon van Eerd)

Chaos & Göldes wuuërt gespeuld door:

Harry Vermeulen: Eric Sweijen
Carla Vermeulen: Miranda Steegh-Tenten
Joost de Jong: Daan Wijnen
Betty de Jong: Danielle Steeghs
Inspecteur de Boer: Sef Tenten
Inspecteur van Maanen: Harry van Dreumel
Sjaan: Marian Naus
Boffertje: Hans Jacobs

Regie: Marion Pingen