Oét de alde doeës van Sjaak Spier

Oét de alde doeës van Sjaak Spier

Venlo 1616:

Wae dach det Shakespeare in 1616 gestorve is zit d’r aevel ech good naeve.
Bekans nemus wet det hae naor Venlo vertròkke waas um dao joeksig vaerder te laeve.
Romeo en Julia, Hamlet en ouk Keuning Lear, ’t waort um allemaol te zwaor.
Dae verdöllemese druuëge Ingelse kwats, hae waas d’r toch zoeë mei klaor.

’t Schriéve van volksverhaole met echte humor det waas ziéne groeëte wins.
En det kòs ’t beste, vond hae wiéselik, veur de lach minnende Venlose mins.
Maar Shakespeare ziéne naam waas veur Venlonaere te moéilik, kiér op kiér
waort ’t fout oétgespraoke en geschreeve als Sjaak Spier.

Venlo 2024:

Op eine zölder in ein alde doeës vònde weej volksverhaole, ònderteikend met Sjaak Spier.
En wie weej die gelaeze hadde, pisde we haos in de bòks, we kòste neet miér.

Ein stök euver eine schout, zònder bril zoeë blind wie ein mol.
Van rechspraok en deeve opsloéte, én van zichzelf waas hae gans vol.
Ein stök euver eine keuning, gebrach wie ein gedich.
Aevel had dae keuning ein lege schatkis en ein vrouw met ein zeve-zölder gezich.
En ein stök euver eine rouver. Dae waas ech niks te dol.
Maar door zién rouverriéje en vreetpartiéje proéts hae zich de bòks wal vol.

Dees stökke van Sjaak Spier zién te kwant um aaf te danke.
Silhouet brink òg met vuuël plezeer dees dreej einakter op de planke.