Schandaal in Mariënthal

Schandaal in Mariënthal

Paniek. Chaos. Intriges. Jaloezie. Rotstreeke. Gekònkel, gevaor en verwarring. Allemaol dinger die’se normaal gespraoke neet in ein kloeëster zoéls verwachte. Maar is det waal zoeë?

Mooder overste is krank en wil röstig nao d’n hemel vertrekke (of haet zeej iets te verberge en zoel zeej örges anders haer wille?). De zusters vraoge zich aaf wie ‘t nòw vaerder mòt. Wae wuuërt de niéje “mooder”?

Zuster Anna haet ein uigske op Thijs de tuinman. Menièr Pestoeër is idderein gaer van deens met raod en daad zoeëlang zién maag maar niks te kort kump. Maffioso Carlo wil ein half miljoen. ‘t Nichje van Mooder overste Lucille en eur dochter Gaby ruuke de erfenis. Unne kardinaal wil waal ens in de bookhalding van ‘t kloeëster kiéke.

En waat ister aan de hand met det baeld op de kas? Al met al, genòg verwikkelinge die zörge veur de nuuëdige spanninge in dees vroume en heilige umgaeving.